| 1 | Zwischa Cannstatt ond Stuagert
do stoht an Tunnel,
wenn mer neifährt wird's dunkel,
wenn mer nausfährt wird's hell.
Holladihi holladiho,
holladihopsasa, s'isch halt mal so. |
| 2 | Dr Dackel, der wedelt
mit'm Schwanz hin ond her,
dr Schwanz ka des it,
weil dr Dackel isch em z'schwer.
Holladihi... |
| 3 | Wenn's Bayrisch-Bier regnet
ond Bratwierschtle schneit,
no bitt i dr Herrgott,
dass's Wetter so bleibt!
Holladihi... |
| 4 | Wenn's Träublesmoscht regnet
ond Maultascha schneit,
no bitt i dr Herrgott,
dass's Wetter so bleibt!
Holladihi... |
| 5 | Weil Frankfurt so graoß isch,
so doalt mer's ei,
in Frankfurt a dr Oder
ond in Frankfurt am Mai(n).
Holladihi... |
| 6 | Mei Vaddr isch Schreiner
ond Schreiner be-n-i,
mei Vaddr macht Wiaga,
was neikommt mach i.
Holladihi... |
| 7 | Do droba uff em Berge,
do stoht a Kapell,
do leitet dr Mesner
mit dr oagena Schell.
Holladihi... |
| 8 | Zwischa Cannstatt ond Stuagert
do stoht an Tunnel,
wenn de neilaufsch laufsch langsam,
wenn dr Zug kommt laufsch schnell.
Holladihi... |
| 9 | Dr Schmalzhaf ond dr Scheißhaf,
dia ganget auf d' Walz,
do sagt d'r Schmalzhaf zum Scheißhaf:
"Du stinksch aus em Hals!"
Holladihi... |
| 10 | I steh auf dr Brücke
ond spuck in da Kahn,
do freut sich die Spucke,
dass sie Kahn fahren kann.
Holladihi... |
| 11 | I steh auf'm Kahn
ond spuck auf die Brück,
do mueß i schnell fahra,
weil dia Spucke kommt z'rück.
Holladihi... |
| 12 | Mei Schweschter spielt Zither,
mei Bruader Klarinett,
mei Vaddr haut d'Muadr,
des geit a Quartett.
Holladihi... |
| 13 | Jetzt hot oiner g'sunga,
hot s'Maul weit aufg'rissa,
wenn er nomol so falsch singt
no wird em neig'schissa.
Holladihi... |
| 14 | Zwischa Balinga ond Frommern
do isch an kloiner Teich,
do wäschet dia Mädle
ihre dreckige Bäuch.
Holladihi... |
| 15 | Er wäscht sich die Füßle,
er wäscht sich die Knie,
doch da wo er sich draufsetzt,
da wäscht er sich nie.
Holladihi... |
| 16 | Da unten am Bache,
ich hab's selbst gesehn,
da nahm eine Wühlmaus
einen Raben im Stehn.
Holladihi... |
| 17 | Da unten am Bache,
wo die Weiden sich biegen,
da hau'n sich zwei Glatzköpf,
dass d'Haar nur so fliegen.
Holladihi... |
| | 18 | Dort unten im Täle
da steht a Kapell,
da tanzen zwei Zwergle
um a Wasserbutell. |
| 19 | Dort droben uff em Bergle,
wo's Wasser ra rollt,
da meinet dia Buba
sei Silber und Gold. |
| 20 | Mei Schatz isch a Reiter,
a Reiter mueß sei,
der Gaul g'hört em Kenig,
der Reiter g'hört mei. |
| 21 | Mei Schatz isch a Bauer
ond a lustiger Bua,
er schnellt mit dr Geißel
ond juchzget dr'zua. |
| 22 | Mei Schatz isch a Metzger,
a jongfrisches Bluat,
hot Kurasche wia a Deifel
ond Geld hot´r g'nuag. |
| 23 | Mei Schatz isch a Weber,
a Weber mueß sei,
er webt mr a Schürzle
ond Blüemle drei nei. |
| 24 | Mei Schatz isch a Fuhrma,
a Fuhrma mueß sei,
wenn's Wägele rompelt,
ka'r nemme weit sei. |
| 25 | Wenn's schneit, no schneit's weiß
ond wenn's gfriert, no geit's Eis,
ond wenn d'Müllerbuaba danzet,
werdet d´Mädla schneeweiß. |
| 26 | Mei Schatz isch koi Zucker,
wie bin i so froh,
sonscht hätt en scho 'gessa,
jetzt han e-n doch no! |
| 27 | Ond i ond mei Gretle,
mei Gretle ond i,
ond i mag mei Gretle
ond mei Gretle mag mi. |
| 28 | Mei Schatz isch a Schreiber,
a Schreiber mueß sei,
er schreibt mr alle Dag,
sei Herz, des g'hör mei. |
| 29 | Mei Schatz isch a Gärtner,
a Gärtner mueß sei,
der setzt mir die schönschte
Vergissmeinnicht ei. |
| 30 | Mei Schatz isch a Schneider,
a Schneider mueß sei,
der macht mir a Mieder,
so nett und so fei. |
| 31 | Do droba uf em Bopser
do stoht a alt's Weib
ond dia bronzt iber Stuagert,
dass's Hochwasser geit. |
| 32 | Ob i sing und ob i pfeif,
oder in mei Tasch greif,
ob i pfeif und ob i sing
isch im Beutel nix drin! |
| 33 | A luschtiger Bua
braucht oft a Paar Schuah,
a trauriger Narr
hot gnua an oim Paar. |
| 34 | S' Braubier isch z'bitter
ond s'Weißbier isch z'süaß,
wenn's Schuahwerk versoffa isch,
na hau i no d' Füaß! |
|